QOUMI PARCHAM K EHTRAM SE RUGARDANI!

Piyare hum watano,chan mahino baad august ka mahina shuru hone wala hai or hum sub k dilo mein purey saal se soya huwa pakistani b ani pakistaniyat le k bedar hone wala hai.. 

august k start hote he hum sub apne gali,mehello,universities,schools or gharo wghera ko jhandiyo or qoumi parcham se sajana shuru kardete hain.lekin afsos ki baat yeh hai k jaise he 14 august guzarti hai hamara mulk o qoum k liye jazba or hamare andar ka pakistani b sojata hai. najane wo mohabbat jo hamare dilo mein hamare mulk k liye hai sirf 14 august,6th september,23 march ya phir indo-pak match mein he q bedar hoti hai or baqi dino mein gehri neend soi rehti hai! 

jin jhandiyo or qoumi parcham ko ham khud apne hatho se nihayat he izzat o ehtram se lagate hain or apne gharo,gali,mehello wghera ki zeenat banate hain wo 14 august guzarte he hamare pero tale q rondi jarhi hoti hain,kbhi zameen bos nazar aati hain tou kbi dust bins wghera mein or hum be hiso ki tarha sub kuch dekhte huwe b nazar andaz kardete hain. jis qoumi parcham ko nihayat he izzat o ehtram se balandi pe lehrate hain wo pura saal wahin lehrata rehta hai bas farq itna hota hai k saal guzarne k baad wahan jhanda nhi bal k uski dhajji hoti hai...

watan parasti sirf jhanda lehrane or bari bari baten karne ka naam nhi hai,or na he jhanda balandi par lehrane se watan parasti ka haq ada hota hai bal k us jhande ki sar balandi k liye kaam karna uski hifazat k liye apni jaan tak dedena ye watan parasti kehlati hai. 

hamen chahiye k 14 august guzarte he jhando ko utar k rakhden or jhandiyan lagayen he nhi q k wo toot k zameen pe girti hain.ye chohti chohti baten hain jo hum aj karenge tou hamari aney wali naslen hum se seekhen gi.      

Main Tou Dekhonga!!!

Main tu dekhonga

Main tu dekhonga
Tum bi dekhoge!!!
Tum bi dekhoge 
Jab Roti sasti hogi aur mehngi hogi jaan..
Wo din phir ayega jab aisa hoga Pakistaaaaaaaaan.....


1947 ki mushikalt ke baad, Aaj 65 saal baad jo mene apne mulk apne Pakistan ki Halat dekhi tu har jagah dehshat gardi, Target killing ko Aam dekha syasi Logon ko Aapas me Ilzam tirashi karte aam dekha, aisi jahalat channels ke program pe dekhi, ke apne mulk ke parhe likhe tabqe ko hi jahil hone ka sazawar dekha, dekhe jo program (BNN, Hum sab umeed se hy ) tu apne syasat daano ka mazaq urhte aam dekhe , sab kuch dekh lia is jamhori dor me magar nahi dekha tu sirf apni awam ko sukon o musarat ki halat me na dekha.


Aj humare mulk ki tabahi us waqt se bhi gambher hoti jarhi hai jab humare paas kuch nahi tha aur aj hum jante hain ke Pakistan main kitne wasail , kitni aabshare aur dilkash manazir hai magar sab be faida sabit horahe hai kyonke aik buhat badi chez jis ki kami hai wo humare  istemal ki hai hum aaj  dehshat gardi ki jang mein hi itne piste jarahe hai ke is chaki mai humare mulk ki mashiyat bhi pisti jarahi hai aaj hume nayi ijadat karne ki nahi balke  mulk me sukon ki zarurat zada mehsos malom hoti hai aj logon ke naaro me Roti , kaprha aur makan ke ilawa bi aur naare shamil ho chuke hai jo kisi chez ki mukhalfat me uthte hy mukhalfat  mulk ko dibote syasat dano ki ghair janibdar  policy banane aur amal pera karne ki tasveer banne ja rahi hoti hai ya phir ban chuki hoti hai  agar hum awam apne hosh o hawas me nahi honge tu kaise taraqi karega Pakistan!!!
 ya phir hum is song  ki tarah aik aas lagaye bethe honge ke kabhi tu aisa hoga Pakistan!!!

MAIN SOCHTI HOON K!!

Main sochti hoon k hamara muashra kis taraf ja rha hai,sirf "degree" he taleem ki zamin q samjhi jati hai?acha ikhlaq,taleem k sath sath behtrenn tarbiyat kahan khote ja rhe hain!! hamari society mein ab apne baro or teachers se argue karne ko freedom of speech q kaha jane laga hai?? 

urdu zuban jo k hamari qoumi zuban hai usey parhne walo ko hiqarat ki nazaro se q dekha jane laga hai,q urdu medium se parhne wale students ko DM or LS kaha jata hai! 

hum kehte hain hum bohot modern,well educated,well mannered hogye hain phir q aisa hota hai k aik branded car mein designer cloths pehne betha insaan chips ka wrapper road pe phenkne se pehle aik bar bhi nhi sochta ,kahan chale jate hain uske manners.. 

aj humara pura mulk bijli k taweel buhran se guzar rha hai uske bawajood hum apni galiyo,sarko or gher ki lights din charhne k bawajood band nhi karte.hum government ko criticize tou bohot asani se kardete hain magar hum  kab apne mulk ki taraf apni zimmedariyo ko samjhenge!aik pakistani citizen hone ki hesiyat se pehla qadam uthayen ge! 

main sochti hoon or barha ye sochti hoon k q jab koi hum se hamari identity poochta hai tou hum khud ko punjabi,muhajir,sindhi,shiya,balochi,pathan keh k introduce karwate hain?q nhi kehte k main PAKISTANI hoon. 

q pakistan ko bura kehte rehte hain  jab k isey burai or pasti ki taraf le k jane wale bhi hum log he hain....

PAKISTANI FILM INDUSTRY ZAWAL KA SHIKAR!!

Hamari film industry yani lollywood pichle kayi saalo se ta haal zawal ka shikar hai..jiski baat aksar film producers n directors karte hain magar iski behtaree k liye kaam koi nhi karta.aksar talk shows wghera mein film idustry k bare chehre is zawal k peeche ki khamiya discuss karte nazar  atey hain magar jab bhi unlogo ko films banani hoti hain wo hmari mojuda riwayti filme he banate hain jiska na koi sar hota hai or na peir.. 

hamari filmo mein siwaye behuda gaano,ajeeb qisim k dance or behuda mazaq k ilawa kuch nhi hota.or usko dekhni wali audience bhi phir wesi hoti hain jaisi wo filme.

magar hamari film industry  hamesha se zawal pazeer nhi thi,ek waqt tha jab hamari filmo ki demand itni thi k ajkal bollywood or hollywood movies ki hoti hai.phir achanak wo dour shuru huwa jab hamare film sazo ne family movies banani or subject based movies banani he chohr dee or hmari film industry ka bura waqt shuru hogya. 

ab bhi ye industry taraqqi kar skti hai zarurat sirf is baat ki hai k tanqeed baraye tanqeed k bajaye koi positive step liya jaye or complete family entertaining movies bnayi jayen.

 

AAKHIR KAB TAK!!!!!!!!

Baba uthen na baba,ap mujhse baat q nhi kar rahe?kia ap mujhse naraz hain?apko neend arhi hai tou ap lounge mein aise q sogaye?ap mere school meri performance dekhne bhi nhi aye!main or mama tou apse bohot naraz hain humne socha tha apko strict punishment denge but don't worry baba main mama se kehdoon gi hum apse bilkul naraz nhi honge,mujhe maloom hai ap bohot tha gaye hain na isi liye ap yahan aise sogaye baba ap baat karen na mujhse...... 

5 saal ki eeman apne baba ko uthane unse baat karne ki nakaam koshishen karti jarhi thi kbhi apne aansoo pochti kbi apne baba k maathe par hath pherti or doosri janib uski mama zinda laash bani khari thi jise ye tak hosh nhi tha k apni nanhi bachi ko samjhaye k ap uske naaz nakhreuthane wale uske baba ussey kbhi baat nhi karenge,nanhi eeman ko kuch smjh nhi arha tha k uske itnaa uthane k bawajood b uske baba uth q nhi rahe.akhir usey kaise smjhaya jata k beta tumhare baba ab tumhare laakh uthane,laakh manane k bawajood bhi nhi uthenge q k wo tou lisani bunyaado pe hone wale fasadaat ka shikar hogaye hain,usey kon samjahta k jis waqt wo apne school mein jashan e azadi mana rahi thi,naghme ga rhi thi us waqt is azaad mulk k basio ne apne hum watan or najane kitne hum watano ko sirf lisani buyad par qatal kardia...ye bachi kia bare hoke is mulk k liye kaam karna ya is mulk mein rehna pasand karegi??ye kahani sirf ek eeman ki nhi hai balke is jaise hazaro lakho bacho ki hai jinke waliden or khaas tor pe walid ko lisani bunyado pe qatal kardiya gya hai. 

hamare buzurgo,jawano,bacho ne apni qeemati jano ki qurbaniyan dee'n taake musalmano k liye alehidah watan hasil kiya ja sake unke rehna ka alag thikana ho jahan wo azaadi k sath apni mazhabi iqadar par amal kar saken yaqeen janiye kisi ne b ye mulk sindhiyo,punjabiyo,balochio,pathano ya muhajiro k liye hasil nhi kiya tha ye mulk "musalmano" k liye hasil kia gaya tha tou phr q aj hum apne he bhaiyyo ko qatal kar rhe hain q apni behno k suhag ujar rhe hain q apne bacho ko yateem karne par tule huwe hain aakhir kab tak hum aise he aik doosre ko maarte rahenge?aakhir kab tak sindhi,punjabi,balochi,pathan,muhajir rahenge?aakhir kab hum pakistani bane'n gey!!!!!!! 

       hamare mulk ko iske mukhlis basio ki zarurat hai utho or aagey barho or is larai k khilaf apni awaaz baland karo kehdo k hum na sindhi hain,na punjabi,na muhajir or na pathan balke hum sirf or sirf PAKISTANI hain.

HUM KIS GALI JA RAHE HAIN!!!!!!!!

Kuch dino se meri tabiat bohot bey chain hai,dimagh ajeeb si pareshani mein ghira hai. ye kefiyat us din k baad se hain jab hamari university mein mela laga tha,jis din mela tha main ye soch k gai thi k aj ka din mei zindagi k yadgar tareen dino mein se aik ban jayega or waqai wo din mere yadgar tareen dino mein se aik ban gya aisi yad jo har waqt mere dimagh par chhai rehti hai or mujhe ye sochne pe majboor kar rahi hai k hum yani Pakistani or us se bhi pehle naam nihad MUSALMAN kis gali ja rahe hain!!! 

Mele wale din main as usual subah he university pohanch gaee har taraf rang birange kapro mei malboos hansti khilkhilati larkian nazar arhi theen,aik taraf jhoole rakhe huwe thay or bohot sari cheezo k stalls b lage huwe thay or loud music bhi tha overall it was a perfect mela.wahan se main or meri friend dolmen mall chale gaye n we both enjoyed alot but when we went to the food court i saw in the name of modernity n advancement we are demolishing our Islamic values,our culture n all....dating couples ab har jaga restaurant,parks etc mein nazar atey hain magar wahan mojoud couples ne ikhlaqiyat ki sari huddood o quyood ko jis bedardi se ronda  agr wo manazir unke waliden dekhlete tou shayad sharam se he mar jate ya unlogo ko maar dalte..... 

hum sub kehte hain k taliban ne afghanistan mei islam k naam pe dehshatgardi phela rakhi hai lekin ye sub halaat dekhne k baad mai ye sochne pe majboor hogai hoon k hamare mulk mein waqai islami nifaz ki shadeed zarurat hai chahe uske liye hamein khud ko "dehshatgard " he q na kehelwana pare. 

hum sub apni apni dunya mein magan hain kisi ko is mulk tou door ki baat akhirat tak ka khayal nhi hai,khudara kuch khof akhirat ka he karlo or modernism k naam pe parwan charhne wali fahashi ko roken..hum tou us mazham k perokaar hain jiski riwayaat,tehzeeb misali hain or humne he unvalues ko bari he berehmi se rond dala hai.

HAALAAT E HAAZRA :

Shehr k aangan mein ab jo saaz yeh goonjta hai

Kya yeh hai woh raag jiska khwaab main sochti thi ?

Yeh firqawariat, yeh siasi aur lasani ,

Ban gaye hain jo wajah qatl-e-amn is shehr ka ,

Na koi karta hai khayal ab maa ki ujri goud ka ,

Na hi dharta hai kaan pe koi behn ki woh siskian ,

Koi na kyun samjhata us pujari-e-bandooq ko ?

Ek maa woh bhi thi jis ne tha tumhe paida kia ,

Muntazir hai woh sehr taa'beer-e-khwaab-e-amn ka ,

Kab yeh Muslim hongey mukhlis ? Muntazir mitti meri.